જૈન સોશ્યલ ગ્રુપ ઈન્ટરનેશનલ ફેડરેશન દ્વારા ફેડરેશન વીક એન્ડ શેલ્ટર પ્રોગ્રામ અંતર્ગત ગત રોજ દેરાણી જેઠાણી મેડિકલ સેન્ટર ખાતે રક્તદાન કેમ્પનું આયોજન કરવામાં આવ્યું હતું. પ્રમુખ લલિતભાઈ ધામીએ નવકાર મંત્રના જાપ અને દીપ પ્રાગટ્ય કરી સૌનું સ્વાગત કર્યું હતું. ગ્રુપના સ્થાપક પ્રમુખ જયેશભાઈ બાવીશી, માજી પ્રમુખ હર્ષદભાઈ મહેતા ઉપરાંત સેવાભાવી સંસ્થાઓના હોદ્દેદારો પણ ઉપસ્થિત રહ્યા હતા.
શ્રી મહાવીર સેવા સમિતિ દ્વારા સંચાલિત એમ.યુ.પેથાણી બ્લડ બેંકના ટ્રસ્ટીઓ મોતીમામા, જીતુભાઈ ચોકસી અને ડો. મેનનભાઈ મહેતા પણ ઉપસ્થિત રહ્યા હતા. આ રક્તદાન કેમ્પમાં કુલ 34 યુનિટ રક્ત એકત્ર કરવામાં આવ્યું હતું. કેમ્પના દાતા દીપકભાઈ મોદીએ તમામ રક્તદાતાઓને ભેટ આપી હતી. મંત્રી નેહલભાઈ વોરાએ તમામ આમંત્રિતો, ગ્રુપના તમામ સભ્યો અને રક્તદાતાઓનો હૃદયપૂર્વક આભાર વ્યક્ત કર્યો હતો.