ડીસામાં ગઈકાલે વાદળછાયું વાતાવરણ હતું અને ચાર કલાકમાં ત્રણ ઈંચ વરસાદ પડ્યો હતો, જેના કારણે નીચાણવાળા વિસ્તારોમાં પાણી ભરાઈ ગયા હતા. ડીસાથી ભાખર જવાના માર્ગ પર કાંટ પાસે રોડ પર એકથી બે ફૂટ પાણી ભરાવાથી તળાવ જેવુ દ્રશ્ય સર્જાયું છે. હજારો વાહનચાલકોને માર્ગ પરથી પસાર થવામાં ભારે હાલાકીનો સામનો કરવો પડી રહ્યો છે.
આ રોડના નીચાણના કારણે દર વર્ષની જેમ પાણી ભરાય છે અને લોકોને મુશ્કેલીનો સામનો કરવો પડે છે. આ બાબતે સ્થાનિક આગેવાનો અને ખેડૂતોની વારંવારની અરજીઓ બાદ પણ તંત્ર દ્વારા રસ્તો ઉંચો કરવામાં આવ્યો નથી. જેથી દર વર્ષે ચોમાસામાં રોડ પર પાણી ભરાઈ જાય છે ત્યારે સ્થાનિક લોકો તંત્ર દ્વારા તાકીદે રસ્તો ઉંચો કરવા માંગ કરે છે.