આઈ માતાની જન્મભૂમિ ડીસા તાલુકાના ખરડોસણ ગામે પ્રાણ પ્રતિષ્ઠા મહોત્સવ અંતર્ગત ભવ્ય હવન યજ્ઞનું આયોજન કરવામાં આવ્યું હતું. ત્રિદિવસીય મહોત્સવ દરમિયાન ભક્તોએ પ્રસાદ અર્પણ કરી માતાજીની આરાધના કરી સમાજ અને વિશ્વના કલ્યાણ માટે પ્રાર્થના કરી હતી.
ડીસા તાલુકાના ખરડોસણ ગામમાં આઈમાતાનું ઐતિહાસિક મંદિર બનાવવામાં આવ્યું છે. જ્યાં મંદિરના પ્રાણ પ્રતિષ્ઠા મહોત્સવ અંતર્ગત પથ સ્થાપના અને હવન યજ્ઞનું આયોજન કરવામાં આવ્યું છે. આ વર્ષે પણ આ દિવસે ફૂલાજી પેમાજી ભમ્મર મલાણા પરિવાર દ્વારા સુંદર હવન યજ્ઞનું આયોજન કરવામાં આવ્યું હતું. જેમાં મોટી સંખ્યામાં ભક્તોએ ઉપસ્થિત રહી હવનમાં પ્રસાદ ધરાવી ધન્યતા અનુભવી હતી. તેમજ પરિવારજનોએ હાજરી આપી ભોજનનો લાભ લીધો હતો. સમગ્ર દિવસ દરમિયાન હજારો ભક્તો પરિવાર સાથે ઉપસ્થિત રહ્યા હતા અને વાતાવરણ ભક્તિમય બન્યું હતું. આ પ્રસંગે મારવાડી લોહાણા સમાજના તમામ લોકો મોટી સંખ્યામાં ઉપસ્થિત રહ્યા હતા.