આજે ડીસા પાટણ હાઇવે પરથી એક રિક્ષા પસાર થઇ રહી હતી અને વાડી સમાજના ત્રણ લોકો રિક્ષામાં જુનાડીસા પાસેથી પસાર થઇ રહ્યા હતા. ત્યારે અચાનક રીક્ષા ચાલકે સ્ટીયરીંગ પરનો કાબુ ગુમાવતા રીક્ષા ડીવાઈડર સાથે અથડાઈ હતી અને ડીવાઈડર સાથે અથડાયા બાદ રીક્ષા પલટી ગઈ હતી અને અકસ્માત સર્જાયો હતો.
આ અકસ્માતમાં રિક્ષાચાલક અને બે મહિલાઓને ગંભીર ઇજા પહોંચી હતી. ઘટના બાદ આસપાસના લોકો દોડી આવ્યા હતા અને લોહીલુહાણ હાલતમાં ઇજાગ્રસ્તોને રિક્ષામાંથી બહાર કાઢ્યા હતા. ઘટનાની જાણ થતાં જ 108 એમ્બ્યુલન્સ વાનની ટીમ પણ ઘટના સ્થળે પહોંચી હતી અને તમામ ઇજાગ્રસ્તોને ડીસાની સરકારી હોસ્પિટલમાં સારવાર માટે લઇ જવાયા હતા. જ્યારે એક જ અરજદાર સમુદાયના ત્રણ લોકો ગંભીર રીતે ઘાયલ થતાં સમાજના લોકોના ટોળા હોસ્પિટલે પહોંચ્યા હતા.