ડીસા તાલુકાના થેરવાડા ગામમાં પણ એક આખલાએ આતંક મચાવ્યો છે. વહેલી સવારે એક પાગલ આખલાએ ગામમાં ભય ફેલાવ્યો હતો. આ ઘટના બાદ ગામના યુવાનોએ એક થઈને લાકડીઓ વડે લક્ષ્મણરેખા બનાવી હતી જેથી કરીને આખલો ગામમાં કોઈને નુકસાન ન પહોંચાડે. પાંચ કલાકની જહેમત બાદ 100થી વધુ લોકોના ટોળાએ ભેગા થઈ બળદને પકડી લીધો હતો.
બળદ પકડાતા ગ્રામજનોએ રાહતનો શ્વાસ લીધો હતો. જ્યારે લોકોએ બળદને બંધક બનાવીને તળાવના કિનારે લઈ જઈને એક ઝાડ સાથે સુરક્ષિત રીતે બાંધી દીધો હતો. બળદને કોઈ નુકસાન ન થાય અને તેના જીવને કોઈ ખતરો ન રહે તે માટે ઘાસચારો અને પાણીની વ્યવસ્થા કરવામાં આવી હતી.