ડીસા તાલુકા પોલીસ પેટ્રોલીંગમાં હતી ત્યારે ભડથ ગામમાં રહેતો એક શખ્સ દારૂનો ધંધો કરતો હોવાની બાતમી મળતા પોલીસે તપાસ શરૂ કરી હતી અને મળતી માહિતી મુજબ ભડથ ગામે રહેતા ગણપતસિંહ વાઘેલાના ઘરે પહોંચી હતી. ઘરની સામે પડેલી શંકાસ્પદ સ્કોર્પિયો કારની તલાશી લેતા તેમાંથી ભારતીય બનાવટનો વિદેશી દારૂ મળી આવ્યો હતો.
જેથી પોલીસે તાત્કાલિક ગણપતસિંહ વાઘેલાને કસ્ટડીમાં લીધા હતા. જ્યારે કાર અને દારૂ સહિત રૂ.2.98 લાખનો મુદ્દામાલ કબજે કર્યો હતો. તેમજ ડીસા તાલુકા પોલીસે આરોપી વિરૂધ્ધ પ્રોહીબીશન એકટ હેઠળ ગુનો નોંધી તપાસ હાથ ધરી છે. પકડાયેલ આરોપી દારૂ ક્યાંથી લાવ્યો હતો અને ક્યાં પહોંચાડવાનો હતો તે અંગે પણ પોલીસે તપાસ હાથ ધરી છે.