બનાસકાંઠા જિલ્લા પોલીસ વડા અક્ષયરાજ મકવાણાની સુચનાથી જિલ્લા પોલીસ ફરાર આરોપીઓને શોધવા સઘન શોધખોળ કરી રહી છે. જે અંતર્ગત વર્ષોથી ફરાર આરોપીઓ હવે ઝડપાઈ રહ્યા છે. ડીસા તાલુકાની ભીલડી પોલીસ પણ પેટ્રોલીંગમાં હતી. ત્યારે 9 વર્ષથી ફરાર આરોપીની માહિતી મળતાં તપાસ શરૂ કરી હતી અને પીએસઆઈ આર.એમ.ચાવડાની ટીમે આરોપી ભરતજી વિહાજી ઠાકોરની ધરપકડ કરી હતી.
જેની સામે આરોપી ભરતજી ઠાકોર ભીલડી પો.સ્ટે. 363,366 APCO હેઠળ પ્રથમ GRN-24/2014 ગુનો નોંધવામાં આવ્યો હતો અને ફરિયાદ નોંધાયા બાદ આરોપી છેલ્લા નવ વર્ષથી ફરાર હતો. પોલીસને વારંવાર ચકમો આપવામાં સફળ રહેલો આરોપી હવે પોલીસના સકંજામાં આવી ગયો છે. જેથી ભીલડી પોલીસે આરોપીઓને જેલના સળિયા પાછળ ધકેલી આગળની કાર્યવાહી હાથ ધરી છે.