(ગાર્ડિયન ન્યૂઝ) આસેડા, ડીસા તાલુકાના લુણપુર ગામે રહેતા પારજી સોલંકીની પુત્રીના લગ્ન એક માસ પહેલા મડાણા ગામે થયા હતા. આ સાથે ગત સાંજે યુવતીના સાસરીયાઓ ડીસાથી લુણપુર ગામે યુવતીને મળવા ગયા હતા. દરમિયાન ગામમાં રહેતા લક્ષ્મણજી સોલંકી અને અન્ય લોકો યુવતીના ઘરે પહોંચ્યા હતા અને યુવતી આવું કેમ કરે છે તેમ કહી હોબાળો મચાવ્યો હતો. બાદમાં બોલાચાલી વધુ ઉગ્ર બનતા અન્ય લોકો બાઇક અને ટ્રેક્ટર પર હથિયારો સાથે ત્યાં પહોંચી ગયા હતા અને સામ પર હુમલો કર્યો હતો, જેમાં એક મહિલા સહિત 10થી વધુ લોકો ગંભીર રીતે ઘાયલ થયા હતા.
મારામારી અને મારપીટની ઘટના બાદ તેના પરિવારજનો અને પાડોશીઓ દોડી આવ્યા હતા. ઘટનાની જાણ થતાં જ 108 એમ્બ્યુલન્સની ટીમ તાત્કાલીક લુણપુર ગામે પહોંચી હતી અને તમામ ઇજાગ્રસ્તોને ડીસાની સરકારી હોસ્પિટલમાં સારવાર માટે લઇ ગયા હતા. જ્યાં પ્રાથમિક સારવાર બાદ ઇજાગ્રસ્તોની હાલત વધુ નાજુક જણાતા તેઓને વધુ સારવાર માટે પાલનપુર સરકારી દવાખાને રીફર કરાયા હતા. હુમલા અંગે યુવતીએ ડીસા તાલુકા પોલીસ મથકે ફરિયાદ નોંધાવતા પોલીસે વધુ તપાસ હાથ ધરી છે