બાળકોને ચૂંટણી પ્રક્રિયાથી પરિચિત કરાવવા માટે ધુવા પ્રાથમિક શાળામાં બાળ સંસદની રચના કરવામાં આવી હતી. જેમાં ચૂંટણી કમિશનર, ચૂંટણી મથક, મતપેટી, મતદાન મથક, મતગણતરી સહિતની તમામ ચૂંટણી પ્રક્રિયાનો ડેમો તૈયાર કરાયો હતો. જેમાં ધોરણ છથી આઠના તમામ બાળકોએ ઈલેક્ટ્રોનિક વોટિંગ મશીનની મદદથી ઉમેદવારોને મતદાન કર્યું હતું. જેમાં મતદાન કર્મીઓની પણ નિમણૂંક કરવામાં આવી હતી. બાદમાં પરિણામ જાહેર કરવામાં આવ્યું હતું.
સમગ્ર ચૂંટણી પ્રક્રિયાની કામગીરી માટે જીએસ તરીકે જગદીશ ચંડીસારા અને મહિલા પ્રતિનિધિ તરીકે હિનાબેન મેસરા વિજેતા થયા હતા. કાર્યક્રમ દરમિયાન બાળકોને લોકશાહીના હાર્દમાં રહેલી ચૂંટણી પ્રક્રિયાને જાળવી રાખવા અને દરેક મતદારને મતદાન કરવા આહવાન કરવામાં આવ્યું હતું.