જેમાં કેટલીક જગ્યાએ ડેરીઓમાં વેચાતા દૂધમાં જંતુઓ, ફરસાણની દુકાનમાં ઘણા દિવસોથી પડેલી ખાદ્ય ચીજવસ્તુઓ, ફરસાણ તળ્યા બાદ બળી ગયેલી તેલ તેમજ એક્સપાયરી ડેટવાળી વસ્તુઓનું પણ વેચાણ થતું હોવાનું જણાયું હતું. આજે આરોગ્ય વિભાગની તપાસ દરમિયાન મોટાભાગની દુકાનો પાસે લાયસન્સ પણ નહોતા. આથી તંત્રની ટીમોએ અખાદ્ય વસ્તુઓનું વેચાણ કરતા વેપારીઓને રૂ.500 થી રૂ.5000 સુધીનો દંડ ફટકાર્યો હતો. આ સાથે લોકોના આરોગ્ય સાથે રમત રમી રહેલા વેપારીઓને નોટિસ ફટકારી કડક કાર્યવાહી હાથ ધરવામાં આવી હતી. ડીસા તાલુકા આરોગ્ય અધિકારી પી.એમ. ચૌધરીએ જણાવ્યું હતું કે આજે સવારથી ડીસામાં તંત્રની ટીમોએ 200 જેટલા સ્થળોએ ચેકિંગ કર્યું હતું અને જંક ફૂડની ચીજવસ્તુઓ જંગી માત્રામાં જપ્ત કરી હતી અને આવા વેપારીઓ ફરી આવી વસ્તુઓનું વેચાણ ન કરે તે માટે કાર્યવાહી હાથ ધરી હતી.