(વાલી સમાચાર) ડીસા, ડીસાના પાટણ હાઇવે પર શુભમ પાર્ટી પ્લોટ પાસે પાલિકાની બેદરકારીના કારણે અનેક જગ્યાએ ભૂગર્ભ ગટરોના કવર ખુલ્લા પડી ગયા છે. આ ખુલ્લા ઢાંકણા એટલા ખતરનાક છે કે તેમાં પડીને બાળક કે વ્યક્તિનું પણ મૃત્યુ થઈ શકે છે. ત્યારે આજે સવારે આ જ વિસ્તારમાં ભૂગર્ભ ગટરની ચેમ્બરના ખુલ્લા ઢાંકણામાં એક ગાય દટાઈ ગઈ હતી. આ કવરોની અત્યંત સાંકડીતાને કારણે ગાય તેમાં ફસાઈ ગઈ અને ખરાબ રીતે ઘાયલ થઈ ગઈ.
ઘટના બાદ લોકોનું ટોળું સ્થળ પર એકત્ર થઈ ગયું હતું અને ગાયને બચાવવા વિવિધ યુક્તિઓ અપનાવવાનું શરૂ કર્યું હતું. લગભગ દોઢથી બે કલાકના લોકોના પ્રયાસો બાદ ગાયને સફળતાપૂર્વક બહાર કાઢવામાં આવી હતી. જ્યારે આ ઘટના બની ત્યારે આસપાસના લોકોએ સ્થાનિક પાલિકાની બેદરકારી સામે ઉગ્ર રોષ વ્યક્ત કર્યો હતો.
નોંધપાત્ર વાત એ છે કે, તંત્ર દ્વારા પ્રિ-મોન્સુન પ્લાનિંગ પૂર્ણ કર્યાનો દાવો કરવામાં આવી રહ્યો છે ત્યારે તંત્રની પ્રિ-મોન્સુન કામગીરી પર સવાલો ઉઠી રહ્યા છે. પાટણ હાઈવે પર અનેક જગ્યાએ ભૂગર્ભ ગટર ઉખડી ગઈ છે. ત્યારે નગરપાલિકા દ્વારા તાત્કાલીક ઢાંકણ મુકવામાં આવે તેવી લોકોની માંગ છે.
નોંધપાત્ર વાત એ છે કે, તંત્ર દ્વારા પ્રિ-મોન્સુન પ્લાનિંગ પૂર્ણ કર્યાનો દાવો કરવામાં આવી રહ્યો છે ત્યારે તંત્રની પ્રિ-મોન્સુન કામગીરી પર સવાલો ઉઠી રહ્યા છે. પાટણ હાઈવે પર અનેક જગ્યાએ ભૂગર્ભ ગટર ઉખડી ગઈ છે. ત્યારે નગરપાલિકા દ્વારા તાત્કાલીક ઢાંકણ મુકવામાં આવે તેવી લોકોની માંગ છે.