ડીસામાં દીપક હોટલ પાસે ગઈકાલે રાત્રે વધુ એક અકસ્માત સર્જાયો હતો. જેમાં એક્ટિવા અને બાઇક સામસામે અથડાયા હતા, જેમાં બંને ચાલકોને ગંભીર ઇજાઓ થતાં તેઓને સારવાર માટે સરકારી હોસ્પિટલમાં દાખલ કરાયા હતા.
ડીસામાં છેલ્લા એક સપ્તાહથી અકસ્માતોની હારમાળા ચાલી રહી છે. ગઈકાલે રાત્રે વધુ એક અકસ્માત થયો હતો, જેમાં બે લોકો ગંભીર રીતે ઘાયલ થયા હતા. ડીસામાં રહેતા નરેશભાઈ શાહ તેમના એક્ટિવા પર દિપક હોટલથી માર્કેટયાર્ડ તરફ જઈ રહ્યા હતા. ત્યારે સામેથી આવી રહેલી બાઇક અને એક્ટિવા વચ્ચે સામસામે ટક્કર થતાં અકસ્માત સર્જાયો હતો. આ અકસ્માતમાં જોરદાર ટક્કર વાગતાં બંને દ્વિચક્રી વાહનોના ચાલકો રોડ પર પટકાતાં ગંભીર રીતે ઘવાયા હતા.
અકસ્માત બાદ આસપાસના લોકોના ટોળા એકઠા થઈ ગયા હતા. આ ઉપરાંત 108 એમ્બ્યુલન્સ વાન પણ તાત્કાલિક ઘટનાસ્થળે પહોંચી હતી અને બંને ઇજાગ્રસ્તોને ડીસાની સરકારી હોસ્પિટલમાં સારવાર માટે લઇ ગયા હતા.
અકસ્માત બાદ આસપાસના લોકોના ટોળા એકઠા થઈ ગયા હતા. આ ઉપરાંત 108 એમ્બ્યુલન્સ વાન પણ તાત્કાલિક ઘટના સ્થળે પહોંચી હતી અને બંને ઇજાગ્રસ્તોને ડીસાની સરકારી હોસ્પિટલમાં સારવાર માટે લઇ ગયા હતા.