ભગવાન શ્રી રામ મંદિરનો પ્રાણ પ્રતિષ્ઠા મહોત્સવ દેશભરમાં ભારે ઉત્સાહ સાથે ઉજવવામાં આવી રહ્યો છે. ત્યારે બનાસકાંઠાના ડીસામાં દરેક શહેરવાસીઓએ દિવાળી જેવો તહેવાર ઉજવ્યો અને દિવાળી કરતાં પણ વધુ કિંમતના ફટાકડા ફોડી. છેલ્લા એક સપ્તાહથી ડીસા સહિત સમગ્ર બનાસકાંઠા જિલ્લો રામમય બની ગયો છે અને ડીસા સહિત સમગ્ર તાલુકો રામમય બની ગયો છે ત્યારે દરેક ગામમાં લોકો ભગવાન શ્રી રામ મહોત્સવની ઉત્સાહભેર ઉજવણી કરી રહ્યા છે.
આજે ડીસામાં પણ દિવસભર વિવિધ કાર્યક્રમો યોજાયા બાદ સાંજ પડતાની સાથે જ ફટાકડા ફોડવાની શરૂઆત થઈ હતી અને દિવાળી કરતાં લોકોએ વધુ ફટાકડા ફોડ્યા હતા. સાંઈબાબા મંદિરની સામે એક સાથે 5 લાખ રૂપિયાથી વધુની કિંમતના ફટાકડા ફોડવામાં આવ્યા હતા અને આકાશ પણ વિવિધ રંગોથી રંગીન બની ગયું હતું.