ડીસા શહેરમાં આજે રોંગ સાઇડથી આવતા બાઇક ચાલકે કારને ટક્કર મારતા અકસ્માત સર્જાયો હતો.બાઇક સવાર બે ગંભીર ઇજાગ્રસ્તોને સારવાર માટે સરકારી હોસ્પિટલમાં દાખલ કરાયા હતા.બાઇકને કારણે અકસ્માત સર્જાયો હતો. ડીસામાં જૂના બસ સ્ટેન્ડ પાસે આજે ટ્રાફિકના નિયમોનો ભંગ કરતા વાહન ચાલક. શહેરના વ્યસ્ત વિસ્તારમાં રોંગ સાઈડથી એનઆર માર્કેટ તરફ જઈ રહેલા બાઇક સવારને એક ઝડપી કાર ચાલકે ટક્કર મારતાં આ અકસ્માત સર્જાયો હતો. અકસ્માતમાં બાઇક સવાર બે યુવકો રોડ પર પટકાયા હતા અને ગંભીર રીતે ઘાયલ થયા હતા. ઘટના બાદ આસપાસના લોકોના ટોળા એકઠા થઈ ગયા હતા અને બંને ઈજાગ્રસ્ત યુવકોને ડીસાની સરકારી હોસ્પિટલમાં સારવાર માટે દાખલ કરાયા હતા. અકસ્માતમાં બાઇક અને કાર વચ્ચે જોરદાર ટક્કર થતાં બાઇક રોડ પરથી ઉતરી ગયું હતું. (તસવીર | સુરેશ ત્રિવેદી)