ડીસામાં સવારથી ફરી વરસાદ પડી રહ્યો છે. ધીમીધારે શરૂ થયેલા વરસાદથી વાતાવરણમાં ઠંડક પ્રસરી ગઈ હતી. લાંબા ગાળે ફરી વરસાદ શરૂ થતાં ખેડૂતોમાં ખુશીનો માહોલ જોવા મળ્યો હતો.
20 દિવસના લાંબા વિરામ બાદ ડીસામાં ફરી એકવાર વરસાદ શરૂ થયો છે. છેલ્લા એક સપ્તાહથી દિવસ દરમિયાન ભારે ઉથલપાથલના કારણે લોકો પવનથી પરેશાન થયા હતા. વાદળછાયું વાતાવરણ હોવા છતાં વરસાદ પડ્યો ન હતો. ત્યારબાદ સવારથી વાદળછાયું વાતાવરણ રહેતાં વાતાવરણમાં ઠંડક પ્રસરી જતાં લોકોએ ગરમીમાંથી રાહત અનુભવી હતી. ડીસામાં અત્યાર સુધીમાં 557 મીમી વરસાદ સાથે સીઝનનો 67.63 ટકા વરસાદ નોંધાયો છે.
ઓછા વરસાદને કારણે ખેડૂતો પણ ચિંતામાં મુકાઈ ગયા છે કારણ કે ડીસા પંથકના ઘણા વિસ્તારોમાં ખેડૂતો ચોમાસુ ખેતીમાં વ્યસ્ત છે અને સિંચાઈ માટે પાણી પુરવઠાના અભાવે માત્ર વરસાદના પાણી પર આધાર રાખે છે. હવે ધીમીધારે વરસાદ શરૂ થતા ખેડૂતો પણ ખુશ છે અને સારા વરસાદ માટે કુદરતને પ્રાર્થના કરી રહ્યા છે.
ઓછા વરસાદને કારણે ખેડૂતો પણ ચિંતામાં મુકાઈ ગયા છે કારણ કે ડીસા પંથકના ઘણા વિસ્તારોમાં ખેડૂતો ચોમાસુ ખેતીમાં વ્યસ્ત છે અને સિંચાઈ માટે પાણી પુરવઠાના અભાવે માત્ર વરસાદના પાણી પર આધાર રાખે છે. હવે ધીમીધારે વરસાદ શરૂ થતા ખેડૂતો પણ ખુશ છે અને સારા વરસાદ માટે કુદરતને પ્રાર્થના કરી રહ્યા છે.