ડીસા તાલુકા સહકારી ખરીદ-વેચાણ સંઘ લિમિટેડની ચૂંટણી માટે રિટર્નિંગ ઓફિસર દ્વારા ચૂંટણી યાદી પ્રસિદ્ધ કરવામાં આવી છે. ડીસાના નાયબ કલેક્ટર અને ચૂંટણી અધિકારીએ મતદાર યાદીમાં વાંધો ઉઠાવવા માટે 22 ડિસેમ્બર સુધીનો સમય આપ્યો છે. ડીસા તાલુકા સહકારી ખરીદ સંઘમાં ઘણા સમયથી રાજકીય વિવાદ ચાલી રહ્યો છે. ચેરમેન સામે અગાઉ થયેલી ફરિયાદ બાદ કમિટીની રચના કરવામાં આવી હતી. વહીવટી સમિતિમાં પણ વિવાદને કારણે આખરે સરકારે વહીવટદારની નિમણૂક કરી હતી. વહીવટદારની નિમણૂંક બાદ કેટલાક આગેવાનોએ ભાજપના આગેવાનો સમક્ષ મતદાર યાદીમાં સુધારો કરીને ચૂંટણી યોજવાની માંગણી મૂકી હતી અને વહીવટદારની નિમણૂક કરવામાં આવી હતી.
જોકે, વહીવટદારની નિમણૂક બાદ ચૂંટણી યોજવાની પ્રક્રિયા અપનાવવામાં આવી છે. જેમાં રિટર્નિંગ ઓફિસર અને ડીસા ડેપ્યુટી કલેક્ટર દ્વારા મતદાર યાદી પ્રસિદ્ધ કરવામાં આવી છે. જેમાં મતવિસ્તારની સીમાઓ નક્કી કર્યા બાદ જો કોઈને વાંધો હોય તો 22મી ડિસેમ્બર પહેલા રજૂ કરવા જણાવાયું છે. જેના પગલે ડીસાના ડેપ્યુટી કલેક્ટર અને ચૂંટણી અધિકારી એન.એચ.પંચાલે અરજદારને 2 જાન્યુઆરીએ આધાર પુરાવા સાથે લેખિતમાં હાજર રહેવા સૂચના પ્રસિદ્ધ કરી છે. આ શિયાળામાં સહકારી માળખામાં રાજકીય ગરમાવો પાછો ફર્યો છે.