ડીસા નગરપાલિકાને પાણીના બોરના 8.83 કરોડના બાકી બિલ અંગે યુજીવીસીએલ દ્વારા નોટિસ ફટકારવામાં આવતા નગરપાલિકાનું સંકટ ટળી ગયું છે. હવે પાલિકાએ રૂપિયા 25 લાખ ચૂકવી દીધા છે અને વહેલી તકે તમામ નાણાં આપવાની ખાતરી આપી છે. જેમાં પાલિકાના 37 પાણીના બોરના વીજ વપરાશનું કુલ રૂ.8.83 કરોડનું બિલ બાકી હતું. ઉપરાંત નગરપાલિકા દર મહિને અનિયમિત રીતે વીજ બિલ ભરતી હતી.
આથી UGVCLએ નગરપાલિકાને રૂ. 8.83 કરોડના પાણીના બોરની બાકી નીકળતી રકમ ક્લિયર કરવા માટે 72 કલાકની નોટિસ પાઠવી હતી. જો આ તમામ બીલના નાણાં તાત્કાલિક ચૂકવવામાં નહીં આવે તો તમામ વિસ્તારના વીજ જોડાણ કાપી નાખવાની ચીમકી આપવામાં આવી છે. આ બાબતે મનપાના અધિકારીઓ દોડતા થઈ ગયા હતા. ચીફ ઓફિસર સહિતના અધિકારીઓએ યુજીવીસીએલના અધિકારીઓ સાથે તાકીદની બેઠક યોજી તાત્કાલીક રૂ.25 લાખ ચૂકવી દેવાની ખાતરી આપી હતી અને બાકીના નાણા ધીરે ધીરે ચૂકવવામાં આવશે. આ અંગે નગરપાલિકાના ચીફ ઓફિસર પંકજ બારોટે જણાવ્યું હતું કે, અમે યુજીવીસીએલને રૂ.25 લાખનો ચેક આપ્યો છે અને દર મહિને વીજ બિલના બાકી બિલના નાણાં જમા કરાવી તમામ બાકી બિલો ભરીશું તેવી ખાતરી આપી છે.જેથી યુજીવીસીએલના કર્મચારીઓ સંમત થયા છે.