ડીસા નગરપાલિકાના વોર્ડ નંબર 9ની પેટા ચૂંટણીમાં કોંગ્રેસના ઉમેદવારનો વિજય થયો છે. વોર્ડ નં.9માં કોંગ્રેસે 25 વર્ષ બાદ પ્રથમવાર ઉમેદવાર ઉભા રાખ્યા છે અને ચૂંટણી જીતતા કોંગ્રેસ છાવણીમાં ખુશીની લહેર જોવા મળી રહી છે. ડીસા નગરપાલિકાના વોર્ડ નંબર 9માં અપક્ષ ઉમેદવારના રાજીનામાથી એક બેઠક ખાલી પડી હતી. જેમાં ચૂંટણી તંત્ર દ્વારા પેટાચૂંટણી હાથ ધરવામાં આવી હતી. રવિવારે પેટાચૂંટણી માટે કુલ 8,000 મતદારોમાંથી લગભગ 3,600 મતદારોએ મતદાન કર્યું હતું અને મતદાન 43% હતું. ડીસા મામલતદાર કચેરી ખાતે યોજાયેલી મતગણતરી દરમિયાન કોંગ્રેસના ઉમેદવાર ઈમરાન કુરેશીને 2024, ભાજપના ઉમેદવાર કાંતિલાલ લોઢાને 1122 અને આમ આદમી પાર્ટીના ઉમેદવાર જીજ્ઞેશ દેસાઈને 431 મત મળ્યા હતા. જ્યારે 36 મત NOTAને પડ્યા હતા. આ રીતે કોંગ્રેસના ઉમેદવાર ઈમરાન કુરેશીનો 902 મતોથી વિજય થયો હતો. લાંબા સમય બાદ ડીસામાં કોંગ્રેસના ઉમેદવારની જીત અંગે મોટી સંખ્યામાં કોંગ્રેસના આગેવાનોએ સૂત્રોચ્ચાર કરી ખુશી વ્યક્ત કરી હતી. ડીસા નગરપાલિકાના પૂર્વ પ્રમુખ કોંગ્રેસ અગ્રણી વિપુલભાઈ શાહે જણાવ્યું હતું કે આ પેટાચૂંટણી માટે ભાજપે કોંગ્રેસને હરાવવા માટે ભારે દબાણ કર્યું હતું. સત્તાનો દુરુપયોગ કરીને ભાજપે અનેક મતદારોના નામ મતદાર યાદીમાંથી ગાયબ કરી દીધા અને વોર્ડ નંબર 9માં અન્ય વોર્ડના ભૂતિયા મતદારોના નામ સામેલ કર્યા. જોકે પ્રજા વોર્ડ નંબર 9ના શનિ પ્રજાએ સમજદારીપૂર્વક મતદાન કરીને ભાજપને સમર્થન આપ્યું છે.