ડીસા નગરપાલિકાના વોર્ડ નંબર 9માં એક અપક્ષ સભ્યએ અંગત કારણોસર રાજીનામું આપતા ખાલી પડેલી બેઠક પર પેટા ચૂંટણી યોજવા માટે જાહેરનામું બહાર પાડવામાં આવ્યું છે. રાજ્ય ચૂંટણી પંચ દ્વારા રાજ્યભરની નગરપાલિકાઓમાં મહાનગરપાલિકાઓની ખાલી પડેલી બેઠકો પર પેટાચૂંટણીઓ માટે ઓગસ્ટ 2023માં ચૂંટણી યોજવા આદેશ જારી કરવામાં આવ્યો છે. ત્યારે ડીસા નગરપાલિકામાં વોર્ડ નં.9ની ખાલી પડેલી બેઠક માટે પણ પેટા ચૂંટણી યોજાશે. ડીસા નગરપાલિકાના વોર્ડ નંબર 9માં અપક્ષ સભ્ય તરીકે ચૂંટાયેલા સાદિક શેખે છ મહિના પહેલા રાજીનામું આપ્યું હતું. ત્યારથી આ બેઠક અંગત કારણોસર ખાલી પડી હતી. તેની પેટાચૂંટણી ઓગસ્ટ 2023માં યોજાશે. ડીસા નગરપાલિકાના 11 વોર્ડની કુલ 44 બેઠકોમાં ભાજપના 27 સભ્યો, કોંગ્રેસના 4 સભ્યો, આમ આદમી પાર્ટીના 1 સભ્ય અને 14 અપક્ષ સભ્યો ચૂંટાયા હતા.