ડીસા-પાટણ હાઈવે પર આજે આર્ટીકા કાર અને ઈકો કાર સામસામે અથડાતા અકસ્માત સર્જાયો છે. જેમાં કારમાં બેઠેલા 6 મિત્રોને ગંભીર ઇજાઓ થતાં 108 એમ્બ્યુલન્સ વાન મારફતે ડીસાની સરકારી હોસ્પિટલમાં સારવાર અર્થે રીફર કરાયા હતા.
ડીસા-પાટણ હાઈવે પર જુનાડીસા ગામ પાસે આજે અકસ્માત સર્જાયો હતો. જેમાં ફરવા ગયેલા 6 મિત્રો ડીસાથી પાટણ પરત ફરી રહ્યા હતા. પુરપાટ ઝડપે આવતી ઈકો કાર અને સામેથી આવતી કાર સામસામે અથડાતા અકસ્માત સર્જાયો હતો. આ અકસ્માતમાં અર્ટિકા કારના ચાલકે કારને બચાવવાનો પ્રયાસ કર્યો હતો, પરંતુ ઈકો કાર સાથે અથડાયા બાદ કાર રોડની બાજુમાં આવેલા ચોકમાં ઘુસી ગઈ હતી. જેના કારણે કારમાં બેઠેલા છ મિત્રોને ગંભીર ઈજાઓ પહોંચી હતી.
ઘટના બાદ આસપાસના લોકો દોડી આવ્યા હતા અને રાહત કાર્ય શરૂ કર્યું હતું. અકસ્માતની જાણ થતાં 108 એમ્બ્યુલન્સ વાનના પાઇલોટ વિરેન્દ્ર રાજપૂત અને ઇએમટી નિકુલસિંહ પ્રજાપતિ તાત્કાલિક ઘટના સ્થળે પહોંચી ઇજાગ્રસ્તોને ડીસાની સરકારી હોસ્પિટલમાં સારવાર માટે લઇ ગયા હતા. જ્યાં પ્રાથમિક સારવાર બાદ તમામ ઇજાગ્રસ્તોને વધુ સારવાર અર્થે પાટણ ખસેડાયા હતા.
ઘટના બાદ આસપાસના લોકો દોડી આવ્યા હતા અને રાહત કાર્ય શરૂ કર્યું હતું. અકસ્માતની જાણ થતાં 108 એમ્બ્યુલન્સ વાનના પાઇલોટ વિરેન્દ્ર રાજપૂત અને ઇએમટી નિકુલસિંહ પ્રજાપતિ તાત્કાલિક ઘટનાસ્થળે પહોંચી ગયા હતા અને ઇજાગ્રસ્તોને ડીસાની સરકારી હોસ્પિટલમાં સારવાર માટે લઇ ગયા હતા. જ્યાં પ્રાથમિક સારવાર બાદ તમામ ઇજાગ્રસ્તોને વધુ સારવાર અર્થે પાટણ ખસેડાયા હતા.