બનાસકાંઠા જિલ્લામાં છેલ્લા પાંચ દિવસથી ઠંડીના કારણે લોકોને ઘરની અંદર જ રહેવાની ફરજ પડી છે. જિલ્લામાં ફૂંકાતા ઠંડા પવનને કારણે રસ્તાઓ અને સામાન્ય માર્ગો બંધ થઈ ગયા છે. ડીસાની સરકારી હોસ્પિટલમાં 1000 થી વધુ દર્દીઓ તાવ, શરદી, ઉધરસ વગેરે રોગોની સારવાર માટે આવે છે. બાળરોગ નિષ્ણાંત ડો.હિરેન પટેલે જણાવ્યું હતું કે, જિલ્લામાં આ સમયે ઠંડીની તીવ્રતા વધી છે. રાત્રીના સમયે કડકડતી ઠંડીના કારણે લોકો શરદી, ઉધરસ, તાવ અને ફ્લૂની બીમારીમાં સપડાયા છે. લોકોમાં આ કેસો વધી રહ્યા હોવાથી મોટી સંખ્યામાં દર્દીઓ સારવાર માટે આવી રહ્યા છે.
તેમણે જણાવ્યું કે, અતિશય ઠંડીમાં રોગોથી બચવા નાના બાળકોથી લઈને મોટી ઉંમરના લોકોએ ગરમ પાણી પીવું જોઈએ.શરદીથી બચવા માટે શરીરને ગરમ વસ્ત્રોથી ઢાંકવું જોઈએ. બહારનો ખોરાક ન ખાવો.