ગાડી ચલાવવાની પરવાનગી: જો તમારી ઉંમર ટુ-વ્હીલર અથવા ફોર-વ્હીલર ચલાવવા માટે પૂરતી છે પરંતુ તમે હજુ સુધી તમારું ડ્રાઇવિંગ લાઇસન્સ (DL) મેળવ્યું નથી, તો તેને તરત જ કરાવી લો. સારી વાત એ છે કે ડ્રાયવર્સ લાયસન્સ મેળવવા માટે તમારે RTO ઓફિસ જવાની જરૂર નથી. ભલે તમે પહેલીવાર લાઇસન્સ મેળવી રહ્યાં હોવ અથવા જૂના લાયસન્સનું રિન્યુ કરવા માંગતા હો, તમે તમારા ઘરે બેઠાં બેઠાં જ ઓનલાઈન અરજી કરી શકો છો.
લાયસન્સ માટે અરજી કરવાની પ્રક્રિયા દરેક રાજ્યમાં થોડી અલગ હોઈ શકે છે પરંતુ મુખ્ય પ્રક્રિયા લગભગ સમાન છે. ભારતમાં ચાર પ્રકારના લાઇસન્સ બનાવવામાં આવે છે, જે લર્નિંગ લાઇસન્સ, કાયમી ડ્રાઇવિંગ લાઇસન્સ, કોમર્શિયલ ડ્રાઇવિંગ લાઇસન્સ અને ઇન્ટરનેશનલ ડ્રાઇવિંગ પરમિટ છે. આ માટે અરજી કરવાની પ્રક્રિયા અલગ હોઈ શકે છે.
ઓનલાઈન અરજી કરવાની આ રીત છે
- સૌ પ્રથમ પરિવહન વિભાગની સત્તાવાર વેબસાઇટ https://parivahan.gov.in/parivahan/ પર જાઓ.
- આ પછી ડ્રાઇવર્સ/લર્નર લાયસન્સ વિભાગ પર જાઓ અને ‘વધુ’ પર ટેપ કરો.
- હવે તમારું રાજ્ય પસંદ કરો અને ‘Apply for Learner License’ પર ક્લિક કરો અથવા ટેપ કરો.
- સ્ક્રીન પરની સૂચનાઓ વાંચ્યા પછી ‘ચાલુ રાખો’ પર ક્લિક કરો.
- આધાર કાર્ડની મદદથી સરળતાથી અરજી કરવા માટે ‘આધાર ઓથેન્ટિકેશન મારફતે સબમિટ કરો’ પર ટેપ કરો.
- આધાર નંબર દાખલ કર્યા પછી, તમારે રજિસ્ટર્ડ મોબાઇલ નંબર પર પ્રાપ્ત OTP દાખલ કરવો પડશે.
- ઈમેલ આઈડી અને ફોન નંબર જેવી સ્ક્રીન પર પૂછવામાં આવેલી માહિતી દાખલ કરો અને પીળા સ્વ-ઘોષણા (ફોર્મ 1) બટન પર ટેપ કર્યા પછી તમારા સ્વાસ્થ્ય સંબંધિત પ્રશ્નોના જવાબ આપો.
– હવે જરૂરી દસ્તાવેજો અપલોડ કરીને એપ્લિકેશન સબમિટ કરો.
લર્નર લાયસન્સ ઘરે બેઠા મેળવવા માટે, અરજી સબમિટ કરવાના નિર્ધારિત સમય પછી સારથી પોર્ટલ પર ‘ઓનલાઈન એલએલ ટેસ્ટ (STAL)’ આપવાની રહેશે. આ ટેસ્ટમાં ટ્રાફિક નિયમોને લગતા પ્રશ્નો પૂછવામાં આવે છે અને નિયત સમય પૂરો કર્યા બાદ જો તમે ટેસ્ટ પાસ કરો તો તમને લર્નર લાયસન્સ મળે છે. આ લાઇસન્સ ઘરે બેસીને મેળવી શકાય છે, પરંતુ આ પછી કાયમી ડ્રાઇવિંગ લાઇસન્સ મેળવવા માટે આરટીઓ ઓફિસમાં જઇને ટેસ્ટ આપવો પડશે. લાયસન્સ મેળવવા માટેની ફી લાયસન્સના પ્રકારને આધારે રાજ્ય-રાજ્યમાં બદલાઈ શકે છે.