મુંબઈ, મહારાષ્ટ્ર પોલીસના સાયબર સેલે અભિનેત્રી તમન્ના ભાટિયાને મહાદેવ ઓનલાઈન ગેમિંગ અને સટ્ટાબાજીની એપ્લિકેશનની સપોર્ટિંગ એપ પર આઈપીએલ મેચ જોવાના કથિત પ્રમોશનના સંબંધમાં સમન્સ પાઠવ્યું છે. અધિકારીઓએ ગુરુવારે આ માહિતી આપી હતી, એક વરિષ્ઠ પોલીસ અધિકારીએ જણાવ્યું હતું કે અભિનેત્રી તમન્નાને 29 એપ્રિલે સાયબર સેલના અધિકારીઓ સમક્ષ હાજર થવા માટે કહેવામાં આવ્યું છે.
તમન્ના ભાટિયાને બોલાવ્યા
પોલીસ અધિકારીએ કહ્યું કે તમન્ના ભાટિયાને ફેરપ્લે સટ્ટાબાજીની એપ પર ઈન્ડિયન પ્રીમિયર લીગ (આઈપીએલ) મેચ જોવા માટે કરવામાં આવેલા પ્રમોશનના સંદર્ભમાં સમન્સ મોકલવામાં આવ્યું છે, અધિકારીઓએ આ સંબંધમાં નોંધાયેલી ફરિયાદને ટાંકીને જણાવ્યું હતું કે વર્ષ 2023માં કેટલાક ફેરપ્લે સટ્ટાબાજીની એપ પર IPL મેચોનું ગેરકાયદે પ્રસારણ થતું હતું.
સાક્ષી તરીકે નિવેદનો નોંધવામાં આવશે
એક અધિકારીએ જણાવ્યું કે અભિનેત્રીને આ કેસમાં સાક્ષી તરીકે પોતાનું નિવેદન નોંધવા માટે બોલાવવામાં આવી છે .
મહાદેવ એપ કથિત ગેરકાયદેસર ટ્રાન્ઝેક્શન અને સટ્ટાબાજી માટે વિવિધ તપાસ એજન્સીઓની તપાસ હેઠળ છે.