તાજેતરમાં તાપી જિલ્લાના સોનગઢમાં નકલી તબીબે ડિગ્રી ન હોવા છતાં યુવકનું ઓપરેશન કર્યું હોવાની ફરિયાદ નોંધાઈ છે. તાપી જિલ્લાના અંતરિયાળ વિસ્તારોમાં મોટી સંખ્યામાં નકલી તબીબો સેવા આપી રહ્યા છે. પરંતુ તાપી જિલ્લા વહીવટી તંત્ર નકલી તબીબો સામે કાર્યવાહી કરવામાં સતત નિષ્ફળ રહ્યું છે. જેના કારણે સોનગઢમાં ઘટનાઓ વધી છે.
સોનગઢ તાપીમાં લોકમાન્ય મલ્ટીસ્પેશ્યાલીટી હોસ્પિટલનું બોર્ડ મારી ક્વેક ડોક્ટર હેમંત પાટીલ પ્રજાને લૂંટી રહ્યો હતો. ડોક્ટર પાસે મેડિકલ કે સર્જિકલની કોઈ માન્ય ડિગ્રી ન હોવા છતાં તે ઘણા સમયથી ડોક્ટર હોવાની મોટી મોટી વાતો કરીને લોકોને સારવારના નામે લૂંટી રહ્યો છે. ફરિયાદીના પિતા બીમાર હોવાથી તેમણે મલ્ટિસ્પેશિયાલિટી હોસ્પિટલમાં ઓપરેશન કરાવ્યું હતું. પરંતુ બે ઓપરેશન બાદ પણ કોઇ સુધારો થયો ન હતો, જેથી ક્વેક ડોકટરને શંકા ગઇ અને સમગ્ર મામલો સામે આવ્યો.
આ અંગે પીડિત પરિવારે સોનગઢ પોલીસ સ્ટેશનમાં ફરિયાદ નોંધાવી છે. હવે સોનગઢ પોલીસ નકલી તબીબને ક્યારે પકડશે તે પણ મોટો પ્રશ્ન છે. હવે જોવાનું એ રહેશે કે સોનગઢ પોલીસ આ ચકચારી તબીબને ઝડપી પાઠ ભણાવશે કે પછી તેને એકલો છોડી દેશે.