થરાદ-સાંચોર હાઇવે પર ગાયત્રી મંદિર સામે અને ગાયત્રી હાઇસ્કૂલ પાસે ચાર માર્ગીય રોડ ગટરનું કામ ચાલી રહ્યું છે. ગત રાત્રીના સાડા દસ વાગ્યાના સુમારે થરાદ-ડીસા ચાર રસ્તા પાસેથી પૂરપાટ ઝડપે આવી રહેલી મારૂતિ કાર ખાડામાં પડી હતી અને બ્રેક મારી હતી.
સ્થાનિક લોકોના જણાવ્યા અનુસાર આ કારમાં ત્રણ લોકો સવાર હતા. ઇજાગ્રસ્ત થતાં તેને 108 મારફતે ખાનગી હોસ્પિટલમાં દાખલ કરવામાં આવ્યો હતો. થરાદ પોલીસ મથકે આ કેસની તપાસ કરતાં આ વાહન સામે કોઈ ગુનો નોંધવામાં આવ્યો ન હોવાનું જણાવાયું છે. થરાદ માર્કેટ યાર્ડથી શીત કેન્દ્ર સુધી ફોર લેન રોડ બનાવવાની કામગીરી ચાલી રહી છે. આ કામગીરી અત્યંત ધીમી ગતિએ થઈ રહી હોવાનું જાહેરમાં ચર્ચાઈ રહ્યું છે.