નવી દિલ્હી.
દિલ્હીના મુખ્યમંત્રી અરવિંદ કેજરીવાલની EDએ દારૂ કૌભાંડમાં ધરપકડ કરી છે. સતત 9 સમન્સ મોકલ્યા બાદ EDની ટીમ ગુરુવારે સાંજે 10માં સમન્સ સાથે કેજરીવાલના ઘરે પહોંચી હતી. EDના જોઈન્ટ ડાયરેક્ટર કપિલ રાજ પણ કેજરીવાલના ઘરે હાજર છે. PMLAની કલમ 50 હેઠળ કેજરીવાલનું નિવેદન નોંધવામાં આવી રહ્યું છે.દિલ્હીના મુખ્યમંત્રી અરવિંદ કેજરીવાલ આવતીકાલે કોર્ટમાં હાજર થશે.
EDના તપાસ અધિકારી જોગેન્દ્ર સીએમ કેજરીવાલની પૂછપરછ કરી રહ્યા છે. સૂત્રોના જણાવ્યા અનુસાર તેના ઘરની પણ તલાશી લેવામાં આવી રહી છે. દરમિયાન, કેજરીવાલની કાનૂની ટીમે સુપ્રીમ કોર્ટમાં અરજી દાખલ કરી છે જેમાં હાઈકોર્ટના આદેશને પડકારવામાં આવ્યો છે.