(GNS), T.08
ગાંધીનગર
ગુજરાત રાજ્યના માર્ગ અને વાહનવ્યવહાર વિભાગ દ્વારા દિવાળીના તહેવારને ધ્યાનમાં રાખીને નાગરિકોની મુસાફરીની સુવિધા માટે પાંચ સ્લીપર કોચ અને 20 સીટીંગ બસોનું રાજ્યના ગૃહ અને વાહનવ્યવહાર મંત્રી શ્રી હર્ષ સંઘવીના હસ્તે વિધિવત ઉદઘાટન અને લીલી ઝંડી બતાવી પ્રસ્થાન કરાવવામાં આવ્યું હતું.
આ પ્રસંગે ગૃહમંત્રીએ બસોનું નિરીક્ષણ કરતાં જણાવ્યું હતું કે, લોકોની મુસાફરી સુખદ રહે તે માટે રાજ્ય માર્ગ અને વાહનવ્યવહાર વિભાગ સતત પ્રયાસો કરી રહ્યું છે. તેમણે તહેવારો દરમિયાન ફરજ બજાવતા એસટી કર્મચારીઓને પણ અભિનંદન પાઠવ્યા હતા અને લોકોના કલ્યાણ માટે તહેવારો દરમિયાન ફરજ બજાવવા બદલ તેમનો આભાર વ્યક્ત કર્યો હતો.
આ પ્રસંગે ગાંધીનગર ઉત્તરના ધારાસભ્ય શ્રી રીટાબેન પટેલ, માણસાના ધારાસભ્ય શ્રી જે.એસ.પટેલ, ગાંધીનગરના મેયર શ્રી હિતેશભાઈ મકવાણા, જિલ્લા પંચાયત પ્રમુખ શ્રી શિલ્પાબેન પટેલ, ડેપ્યુટી મેયર શ્રી પ્રેમલસિંહ ગોલ, ગુજરાત એસટી નિગમના એમ.ડી. એ. ગાંધી અને ગાંધીનગર એસટી ડેપોના કર્મચારીઓ સહિત લોકો ઉપસ્થિત રહ્યા હતા.