ડીસામાં બેકરીના કુવા હોલા વિસ્તારમાં એક મકાનમાં શોર્ટ સર્કિટના કારણે આગ લાગી હતી. ઘટના બાદ મહાનગર પાલિકાની ટીમ ઘટના સ્થળે પહોંચી આગને કાબુમાં લીધી હતી. ડીસાના બકરી કુવા વ્હોલા વિસ્તારમાં રહેતા રામાભાઈ માધાજી રાજપૂત મજૂરી કામ કરીને પરિવારનું ગુજરાન ચલાવે છે. તેમજ આજે અચાનક શોર્ટ સર્કિટના કારણે ઘરમાં આગ લાગી હતી અને થોડી જ વારમાં આગ આખા ઘરમાં ફેલાઈ ગઈ હતી. ઘટના બાદ પરિવારજનો સહિત આસપાસના લોકો દોડી આવ્યા હતા અને રાહત કાર્ય શરૂ કર્યું હતું.
મકાનમાં અચાનક આગ લાગતા નાસભાગ મચી ગઈ હતી. ઘટનાની જાણ થતાં જ ડીસા નગરપાલિકાની ફાયર બ્રિગેડની ટીમ પણ ઘટનાસ્થળે પહોંચી ગઈ હતી, પરંતુ ત્યાં સુધીમાં ઘરનો તમામ માલસામાન બળીને ખાખ થઈ ગયો હતો. આગની ઘટનામાં મોટી હોનારત ટળી હતી, પરંતુ અનાજ સહિત ઘરવખરીનો સામાન બળીને ખાખ થઈ જતાં ગરીબ પરિવારને મોટું નુકસાન થયું હતું.