ધોળકામાં એક પરિવારે ઝેર ગળીને સામૂહિક આત્મહત્યાનો પ્રયાસ કર્યો, પિતા-પુત્રના મોત.
અમદાવાદ જિલ્લાના ધોળકામાં એક પરિવારે ઝેર ગળી આત્મહત્યાનો પ્રયાસ કર્યો હતો. ધોળકાના મફતપુરની રામદેવનગર સોસાયટીમાં રહેતા કિરણભાઈએ તેમના પત્ની નીતાબેન અને બે પુત્રો હર્ષ અને હિરેન સાથે મળીને ઝેર ગળી આત્મહત્યાનો પ્રયાસ કર્યો હતો.
જેમાં પિતા-પુત્રનું મોત નિપજ્યું છે, જ્યારે માતા અને અન્ય એક પુત્રની હાલત નાજુક હોવાથી હોસ્પિટલમાં સારવાર ચાલી રહી છે. આ અંગેની માહિતી મળતા જ ધોળકા ટાઉન પોલીસનો કાફલો હોસ્પિટલે પહોંચી ગયો હતો. મૃતક કિરણભાઈ મૂળ મહેસાણા જિલ્લાના વિજાપુર તાલુકાના હસ્નાપુર ગામના વતની હતા અને કોથ GEDમાં નોકરી કરતા હતા.
પોલીસે સ્થળ પરથી દવાની બોટલ કબજે કરી વધુ તપાસ હાથ ધરી છે. દીકરીના લગ્ન થાય તો સમાજમાં અપમાન ન થાય તે માટે પરિવાર દ્વારા લેવાયેલું આ છેલ્લું પગલું હોવાનું માનવામાં આવે છે. હાલ તો ધોળકા પોલીસે પરિવાર દ્વારા ઝેર પીવા પાછળનું ચોક્કસ કારણ જાણવા તપાસનો તબક્કો શરૂ કર્યો છે. આ અંગે પોલીસે જરૂરી તપાસ હાથ ધરી છે.