(જીએનએસ), 28
હવામાન વિભાગની આગાહી વચ્ચે દક્ષિણ ગુજરાતમાં જળબંબાકારની સ્થિતિ સર્જાઈ છે. ત્યાં નવસારીમાં એક જ રાતમાં 11 ઈંચ વરસાદ પડ્યો હતો. ભારે વરસાદના પગલે વહીવટી તંત્રની બેઠકનો દોર શરૂ થયો હતો. તો નવસારીમાં ભારે વરસાદને કારણે ગ્રામ્ય વિસ્તારના 153 રસ્તાઓ અને રાજ્ય ધોરીમાર્ગના 2 રસ્તાઓ બંધ થઈ ગયા છે. તો ભારે વરસાદથી પ્રભાવિત 160 લોકોને સલામત સ્થળે ખસેડવામાં આવ્યા છે. પૂર્ણા નદી 24 ફૂટ છે. જે હાલમાં ખતરનાક સ્તરથી 1 ફૂટ ઉપર છે. ચીખલીની કાવેરી નદી 19 ફૂટની ભયજનક છે. જોકે, હાલમાં નવસારી જિલ્લાના ઉપરવાસમાં વરસાદ બંધ થતાં તંત્રને રાહત મળી છે. બીજી તરફ સુરત નવસારી રોડ પર પણ વરસાદી પાણી ભરાતા એક સાઈડનો રસ્તો બંધ થઈ ગયો છે. અને 3 કિમી સુધી ટ્રાફિક જામના અહેવાલો છે.