નવી દિલ્હી, 12 ફેબ્રુઆરી (હિ.સ.) ભારતમાં ઔદ્યોગિક ઉત્પાદન (IIP) મોરચે એક સારા સમાચાર છે. ડિસેમ્બર 2023માં નવેમ્બરની સરખામણીમાં ભારતનું ઔદ્યોગિક ઉત્પાદન વધીને 3.8 ટકાના સ્તરે પહોંચ્યું છે. અગાઉ નવેમ્બર 2023માં આ આંકડો 2.4 ટકાના સ્તરે હતો. જો કે વાર્ષિક ધોરણે જોવામાં આવે તો IIPનું સ્તર ઘટ્યું છે. ડિસેમ્બર 2022માં ભારતનું ઔદ્યોગિક ઉત્પાદન 5.1 ટકાના સ્તરે હતું.
આંકડા અને અમલીકરણ મંત્રાલય દ્વારા સોમવારે જાહેર કરવામાં આવેલા આંકડા અનુસાર, ભારતનો ઔદ્યોગિક વિકાસ દર એપ્રિલથી ડિસેમ્બર, 2023 વચ્ચે 6.1 ટકા હતો, જ્યારે અગાઉના વર્ષમાં એટલે કે એપ્રિલથી ડિસેમ્બર 2022 દરમિયાન તે 6.1 ટકા હતો. મહિના સુધી ઔદ્યોગિક વિકાસ દર 5.5 ટકાના સ્તરે હતો. મંત્રાલય દ્વારા જારી કરવામાં આવેલા નિવેદનમાં કહેવામાં આવ્યું છે કે ઔદ્યોગિક વિકાસ દરના આંકડા ઔદ્યોગિક ઉત્પાદન સૂચકાંક (IIP)ના આધારે જાહેર કરવામાં આવ્યા છે.
મંત્રાલય દ્વારા આપવામાં આવેલી માહિતી અનુસાર ડિસેમ્બર 2023માં મેન્યુફેક્ચરિંગ સેક્ટરમાં ઉત્પાદનમાં 3.5 ટકાનો વધારો થયો હતો, જ્યારે એક વર્ષ અગાઉના સમાન સમયગાળામાં મેન્યુફેક્ચરિંગ સેક્ટરમાં ઉત્પાદન 3.6 ટકા વધ્યું હતું. આ સિવાય ડિસેમ્બર 2023માં વીજ ઉત્પાદનમાં 1.2 ટકાના દરે અને ખાણકામનું ઉત્પાદન 5.1 ટકાના દરે વધ્યું છે. એ જ રીતે, ચાલુ નાણાકીય વર્ષના પ્રથમ 9 મહિનામાં એટલે કે એપ્રિલથી ડિસેમ્બર વચ્ચે, ભારતીય ઔદ્યોગિક ઉત્પાદનનો એકંદર વિકાસ દર 6.1 ટકા રહ્યો છે, જ્યારે 2022માં એપ્રિલથી ડિસેમ્બરના સમયગાળામાં આ આંકડો 5.5 ટકા હતો.