આજે શ્રાવણ માસના બીજા સોમવારે પાટણ શહેર સહિત સમગ્ર જિલ્લાના શિવમંદિરોમાં શિવભક્તોએ ભગવાનનું પૂજન-અભિષેક કરી ધન્યતા અનુભવી હતી. શહેરના વિવિધ શિવ મંદિરોમાં રોશની કરવામાં આવી હતી. જેના દર્શનનો ભાવિક ભક્તોએ લાભ લીધો હતો.
ગુરુવારથી પવિત્ર શ્રાવણ માસનો પ્રારંભ થયો છે. શ્રાવણ માસના બીજા સોમવારે પાટણ શહેરમાં સિદ્ધનાથ મહાદેવ, બાગેશ્વર મહાદેવ, નીલકંઠ મહાદેવ, ગુપ્તેશ્વર મહાદેવ, ત્રિપુરારેશ્વર મહાદેવ, મલેશ્વર મહાદેવ, સિદ્ધેશ્વર મહાદેવ, જબરેશ્વર મહાદેવ, લોટેશ્વર મહાદેવ, ગૌકણેશ્વર મહાદેવ, મહાદેવ મહાદેવ, નીલકંઠ મહાદેવ, ગળણેશ્વર મહાદેવ, મહાદેવ, જબરેશ્વર મહાદેવ, ગોકળેશ્વર મહાદેવ, સિધ્ધેશ્વર મહાદેવ. મલાહાર મહાદેવ, જલેશ્વર મહાદેવ, આનંદેશ્વર મહાદેવ વગેરે શિવ મંદિરોમાં શિવભક્તોએ ભગવાનને દૂધ, જળ સહિતની વિવિધ વસ્તુઓ અર્પણ કરી ધન્યતા અનુભવી હતી. એવી રીતે શ્રાવણ માસના બીજા સોમવારે મંદિરોમાં હરહર ભોલાનાથ અને ઓમ નમ શિવના નાદ ગુંજી ઉઠ્યા હતા. સાંજે વિવિધ શિવ મંદિરોમાં ભગવાન ભોલેનાથની પૂજા કરવામાં આવશે.