પાટણ સરસ્વતી નદીના કિનારે આવેલા મેલડી માતાજીના મંદિરે રવિવારે ભારતીય જનતા પાર્ટી દ્વારા પાટણ વિધાનસભાની ટીફીન બેઠકનું આયોજન કરવામાં આવ્યું હતું. બેઠકમાં ઉપસ્થિત ભાજપના આગેવાનોએ આગામી લોકસભાની ચૂંટણીમાં યોજાનાર વિવિધ ચૂંટણીલક્ષી કાર્યક્રમો અને સંપર્ક અભિયાન અંગે વિસ્તૃત માહિતી અને ચર્ચા કરી હતી.મેલડી માતાના સ્થાનકે આયોજિત ટીફીન મિલન કાર્યક્રમમાં ગુજરાત ભાજપના પૂર્વ મહામંત્રી કે.સી. પટેલ, જિલ્લા ભાજપ પ્રમુખ ડો.દશરથજી ઠાકોર, મહિલા આયોગના પૂર્વ સભ્ય ડો.રાજુલ દેસાઈ, શહેર ભાજપ પ્રમુખ કિશોર મહેશ્વરી, સ્નેહલ પટેલ તેમજ મોટી સંખ્યામાં ભારતીય જનતા પાર્ટીના આગેવાનો અને કાર્યકરો ઉપસ્થિત રહ્યા હતા. વર્તમાન.