ધારપુરની હોસ્પિટલમાં છેલ્લા ચાર દિવસથી વીજળી નથી, જેના કારણે હોસ્પિટલમાં સારવાર માટે દાખલ દર્દીઓ સહિત તેમના સગા-સંબંધીઓ આકરી ગરમીથી ત્રસ્ત છે. લાઇટો બંધ હોવાથી લોકોને મુશ્કેલીનો સામનો કરવો પડી રહ્યો છે, ધારપુર હોસ્પિટલમાં દર્દીઓના એક્સ-રે સહિતની ઈલેક્ટ્રોનિક મેડિકલ સુવિધા ખોરવાઈ છે અને જનરેટર પણ બંધ છે.
છેલ્લા ચાર દિવસથી ધારપુરની હોસ્પિટલમાં વીજ ઉપકરણોની સમસ્યા અંગે હોસ્પિટલ પ્રશાસનનું અનેકવાર ધ્યાન દોરવા છતાં આજદિન સુધી આ પરિસ્થિતિનો ઉકેલ ન આવતા લોકોને આવી કાળઝાળ ગરમીમાં હાલાકી ભોગવવી પડી રહી છે.
ધારપુર હોસ્પિટલના ડીન ડો.હાર્દિક શાહે જણાવ્યું હતું કે છેલ્લા ચાર દિવસથી રાત્રે 11 વાગ્યાથી સાંજના 4 વાગ્યા સુધી લાઇટ બંધ રહે છે. અમે આ અંગે વીજળી વિભાગને જાણ કરી છે.
પરંતુ હજુ સુધી કોઇ ખામી જોવા મળી નથી, પરંતુ જો કામગીરી દરમિયાન લાઇટ જતી રહે તો ગંભીર સમસ્યા સર્જાઇ શકે છે, તેમજ ધારપુર હોસ્પિટલમાં જનરેટર પણ બંધ હોવાથી વીજ વિભાગ દ્વારા તાત્કાલિક સમસ્યાનું નિરાકરણ લાવવામાં આવશે તેવી આશા તેમણે વ્યક્ત કરી હતી.
પરંતુ હજુ સુધી કોઇ ખામી જોવા મળી નથી, પરંતુ જો કામગીરી દરમિયાન લાઇટ જતી રહે તો ગંભીર સમસ્યા સર્જાઇ શકે છે, તેમજ ધારપુર હોસ્પિટલમાં જનરેટર પણ બંધ હોવાથી વીજ વિભાગ દ્વારા તાત્કાલિક સમસ્યાનું નિરાકરણ લાવવામાં આવશે તેવી આશા તેમણે વ્યક્ત કરી હતી.