નેશનલ ગ્રીન ટ્રિબ્યુનલના સદસ્ય, જસ્ટિસ ડો.અફરોઝ અહેમદ પાટણ જિલ્લા સર્કિટ હાઉસ ખાતે જિલ્લામાં થઈ રહેલા પર્યાવરણીય કામોની સમીક્ષા કરવા પાટણ આવ્યા હતા. તેમની અધ્યક્ષતામાં બેઠકનું આયોજન કરવામાં આવ્યું હતું.
યોજાયેલી મીટીંગમાં જીલ્લામાં પર્યાવરણને લગતી પ્રવૃતિઓ પીપીટી પ્રેઝન્ટેશન દ્વારા રજુ કરવામાં આવી હતી.જેમાં પર્યાવરણને લગતા વિવિધ મુદ્દાઓ જેવા કે, જીએપીએસની ઓળખ અને એક્શન પ્લાન, સ્ત્રોત પર કચરાનું વિભાજન, સફાઈ, કચરો સંગ્રહ, કચરો પરિવહન, પ્લાસ્ટિક વેસ્ટ મેનેજમેન્ટ બાયો મેડિકલ વેસ્ટ. મેનેજમેન્ટ, જોખમી કચરો, ઈ-વેસ્ટ, એર ક્વોલિટી મેનેજમેન્ટ, વોટર મેનેજમેન્ટ, માઈનિંગ એક્ટિવિટી મેનેજમેન્ટ પ્લાન, નોઈઝ મેનેજમેન્ટ પ્લાન વગેરેની વિગતવાર ચર્ચા કરવામાં આવી હતી. ડોક્ટર. અફરોઝ અહેમદે જિલ્લામાં પર્યાવરણને લગતી અન્ય કોઈ કાર્યવાહી અંગે અધિકારીઓને સૂચનો આપ્યા હતા.
બેઠકમાં જિલ્લા કલેક્ટર અરવિંદ વિજયન, જિલ્લા વિકાસ અધિકારી ડી.એમ.સોલંકી, જિલ્લા પોલીસ અધિક્ષક વિજય પટેલ, નાયબ વન સંરક્ષક બિંદુબેન પટેલ, ભૂસ્તરશાસ્ત્રી અલખ પ્રેમલાણી, જીપીસીબી પ્રાદેશિક સત્તા મંડળ ગુજરાત પ્રદૂષણ નિયંત્રણ બોર્ડ પાલનપુર જેએમ ચૌધરી સહિત વિવિધ અધિકારીઓ ઉપસ્થિત રહ્યા હતા.
બેઠકમાં જિલ્લા કલેક્ટર અરવિંદ વિજયન, જિલ્લા વિકાસ અધિકારી ડી.એમ.સોલંકી, જિલ્લા પોલીસ અધિક્ષક વિજય પટેલ, નાયબ વન સંરક્ષક બિંદુબેન પટેલ, ભૂસ્તરશાસ્ત્રી અલખ પ્રેમલાણી, જીપીસીબી પ્રાદેશિક સત્તા મંડળ ગુજરાત પ્રદૂષણ નિયંત્રણ બોર્ડ પાલનપુર જેએમ ચૌધરી સહિત વિવિધ અધિકારીઓ ઉપસ્થિત રહ્યા હતા.