ડૉ. સર્વપલ્લી રાધાકૃષ્ણની જન્મજયંતિ 5મી સપ્ટેમ્બરે સમગ્ર ભારતમાં “શિક્ષક દિવસ” તરીકે ઉજવવામાં આવે છે. ત્યારે પાટણ જિલ્લા શિક્ષણ પરિવાર દ્વારા પાટણ યુનિવર્સિટીના કન્વેન્શન હોલમાં “શ્રેષ્ઠ શિક્ષક પ્રશંસા સમારોહ”નું આયોજન કરવામાં આવ્યું હતું, જેમાં જિલ્લામાંથી 4 અને તાલુકામાંથી 9 મળીને કુલ 13 શિક્ષકોનું સન્માન કરવામાં આવ્યું હતું.
શિક્ષક દિન નિમિત્તે પાટણ સ્થિત હેમચંદ્રાચાર્ય ઉત્તર ગુજરાત યુનિવર્સિટીના કન્વેયન્સ હોલ ખાતે જિલ્લા કલેકટરની અધ્યક્ષતામાં જિલ્લા તાલુકા શ્રેષ્ઠ શિક્ષક એવોર્ડ સમારોહનું આયોજન કરવામાં આવ્યું હતું. જેમાં જિલ્લા કક્ષાના 13 શ્રેષ્ઠ શિક્ષકો અને પ્રતિભાશાળી વિદ્યાર્થીઓ અને તાલુકા કક્ષાના 9 વિદ્યાર્થીઓનું કલેકટરના હસ્તે સન્માન કરવામાં આવ્યું હતું. આ પ્રસંગે કલેક્ટર અરવિંદ વિજયન, જિલ્લા વિકાસ અધિકારી ડી.એમ.સોલંકી, જિલ્લા શિક્ષણ સમિતિના પ્રમુખ મેથુબેન રાજપૂત, રાધનપુર વિભાગના સભ્ય લવિંગજી ઠાકોર, જિલ્લા શિક્ષણાધિકારી એ.એન.ચૌધરી સહિત મોટી સંખ્યામાં શિક્ષકો ઉપસ્થિત રહ્યા હતા.