બરોડા ગ્રામીણ સ્વરોજગાર તાલીમ સંસ્થા પાટણ દ્વારા ગૃહઉદ્યોગની 6 દિવસીય તાલીમમાં બહેનોને ગૃહઉદ્યોગમાં સાબુ, પાઉડર, ફિનાઇલ અને બામ બનાવતા શીખવવામાં આવ્યું હતું. અંતિમ દિવસે સમાપન કાર્યક્રમમાં સંસ્થાના ડાયરેક્ટર ડો. રૂદ્રેશ ઝુલાએ તાલીમાર્થી બહેનોએ સ્વરોજગાર કેમ લેવો, સંસ્થા સ્વરોજગાર દ્વારા બજારમાં કેવી રીતે મદદ કરી શકે અને ઉત્પાદનો ક્યાં વેચવા તે અંગે વિસ્તૃત માર્ગદર્શન આપ્યું હતું. આ સાથે બેંકના અગ્રણી મેનેજર દ્વારા બેંકની વિવિધ યોજનાઓની વિસ્તૃત માહિતી આપવામાં આવી હતી. આ સાથે તાલુકા વિકાસ અધિકારી ગીતાબેને બહેનોને પ્રોત્સાહક માર્ગદર્શન પૂરું પાડ્યું હતું. તાલીમ કાર્યક્રમના અંતે તમામ તાલીમાર્થી બહેનોને પ્રમાણપત્ર આપી તાલીમનું સમાપન કરવામાં આવ્યું હતું.