પાટણ જિલ્લાના આંગણવાડી કેન્દ્રોમાં કુપોષિત (વૃદ્ધિ ચાર્ટ મુજબ લાલ રંગ) બાળકોની તાત્કાલિક આઈ.સી.ડી.એસ. સ્ટાફ દ્વારા પોષક સેવાઓ પૂરી પાડવાનું આયોજન છે.આ ઉપરાંત R.B.S.K. સ્ટાફ દ્વારા આ બાળકોનું મેડિકલ ચેકઅપ પણ કરવામાં આવી રહ્યું છે. કુપોષિત બાળકોના મેડિકલ ચેકઅપ ઉપરાંત આયર્ન ફોલિક (ટેબ્લેટ/સિરપ), કૃમિનાશક દવા, વિટામિન-એ વગેરે આવશ્યક સેવાઓ પૂરી પાડવામાં આવે છે. બાળકોની પ્રાથમિક બિમારીના નિદાન અને સારવાર માટે અને ગંભીર રીતે બીમાર બાળકોને સંબંધિત સેવાઓ પ્રદાન કરવા માટે નિષ્ણાત ડોકટરોને સંદર્ભિત કરવાનું આયોજન છે. હાલમાં પાટણ જિલ્લામાં દરેક તાલુકામાં કુપોષિત બાળકોની તપાસ કરવામાં આવી રહી છે. જિલ્લામાં એકપણ બાળક કુપોષિત ન રહે તે માટે જિલ્લા વહીવટી તંત્ર કટિબદ્ધ છે. દરેક તાલુકામાં ગામ મુજબ બાળકોની તપાસ કરવામાં આવી રહી છે.