પાટણ શહેર સહિત સમગ્ર જિલ્લામાં આજે મુસ્લિમ ઈદ-ઉલ-અઝહા એટલે કે બકરી ઈદની ઉજવણી કરવામાં આવી હતી. બકરીદના તહેવારને લઈને મુસ્લિમ સમાજના લોકોમાં ઉત્સાહ જોવા મળ્યો હતો.શહેરના સિદ્ધિ સરોવર પાસે આવેલી ઈદગાહ સહિત વિવિધ મસ્જિદોમાં મુસ્લિમ સમાજના લોકોએ ખાસ નમાજ અદા કરી અલ્લાતલાની ઈબાદત કરી હતી. પાટણ શહેર સહિત પ્રાંતિજના મુસ્લિમ બિરાદરોએ ઇદગાહમાં નમાઝ અદા કરી અલ્લાહની ઇબાદત કરી હતી.
મૌલાના ઈમરાન શાયરી દ્વારા કુરાન શરીફનું પઠન કરવામાં આવ્યું હતું અને ઉપસ્થિત તમામ મુસ્લિમોને ઈદ મુબારક પાઠવવામાં આવી હતી. ઇદગાહ ખાતે પોલીસ બંદોબસ્ત ગોઠવવામાં આવ્યો હતો.પાટણ શહેર સહિત જિલ્લાભરમાં બકરીદ પર્વની ઉત્સાહ અને શાંતિપૂર્ણ માહોલમાં ઉજવણી કરવામાં આવી હતી.