પાટણ જિલ્લા કોર્ટમાં ફરી એકવાર કેન્ટીન શરૂ કરવામાં આવી છે. પાટણ કોર્ટ પરિસરમાં આવતા વકીલો, કર્મચારીઓ, પક્ષકારો સહિતના મુલાકાતીઓને સરળ અને પૌષ્ટિક સ્વચ્છ ચા-નાસ્તો અને ભોજન સરળતાથી મળી રહે તે માટે કેન્ટીન કાર્યરત છે. આ કેન્ટીનનો કોન્ટ્રાક્ટ આપવા માટે તાજેતરમાં બહાર પાડવામાં આવેલા ટેન્ડરમાં પાટણ મહિલા મંડળને આ ટેન્ડર મળ્યું છે. તેથી મહિલા મંડળે તેના કર્મચારીઓને સંગઠિત કરીને અહીં કેન્ટીન શરૂ કરી. આજે આ કેન્ટીનનું ઉદ્ઘાટન પાટણ જિલ્લા ન્યાયાધીશ કુ. હિતાબેન ભટ્ટે કર્યું હતું. તેમણે રિબન કાપીને કેન્ટીનનું ઉદ્ઘાટન કર્યું હતું. આ પ્રસંગે પાટણ વકીલ મંડળ આર.ડી. દેસાઇ, પદાધિકારીઓ, વકીલો, પાટણની વિવિધ કોર્ટના ન્યાયાધીશો, મેજીસ્ટ્રેટ, આમંત્રિતો, પાટણ કોર્ટનો સ્ટાફ ઉપસ્થિત રહ્યો હતો. આ પ્રસંગે આ કેન્ટીનનું સંચાલન કરતી સંસ્થા મહિલા મંડળના પ્રમુખ જાગૃતિબેન પ્રજાપતિ અને સંધ્યાબેન પ્રધાન તેમજ મીનાબેન, નર્મદાબેન, દીપિકાબેન, વર્ષાબેન, હિમાનીબેન, રચનાબેન સોની, કિરણબેન, બીનાબેન, જ્યોત્સનાબેન નાથ વિગેરેએ સૌને આવકાર્યા હતા. સંધ્યાબેને જણાવ્યું કે તેનો હેતુ કેન્ટિની મહિલા મંડળની બહેનોને રોજગારી આપવાનો છે.