પાટણ જિલ્લા સેવા સદનના કોન્ફરન્સ રૂમમાં જિલ્લા કલેક્ટર અરવિંદ વિજયનની અધ્યક્ષતામાં જિલ્લા સંકલન અને ફરિયાદ નિવારણ સમિતિની બેઠક મળી હતી. જેમાં વિવિધ મુદ્દાઓ પર વિસ્તૃત ચર્ચા કરવામાં આવી હતી.
આજની બેઠકમાં વિવિધ વિભાગોને લગતા પ્રશ્નો જેવા કે લોકો પાસેથી મળેલી અરજીઓનો નિકાલ, નિવૃત્ત સરકારી કર્મચારીઓના પેન્ડીંગ પેન્શન કેસોની વિગતો વગેરેની જિલ્લા મેજીસ્ટ્રેટ દ્વારા સમીક્ષા કરવામાં આવી હતી. બેઠકમાં કલેકટરે વિવિધ વિભાગોના અધિકારીઓને પેન્ડીંગ કામો સત્વરે પૂર્ણ કરવા સૂચના આપી હતી. બેઠકમાં જિલ્લા વિકાસ અધિકારી બી.એસ.પ્રજાપતિ, પોલીસ અધિક્ષક રવિન્દ્ર પટેલ, જિલ્લા નિવાસી અધિક કલેક્ટર બી.એસ.પટેલ અને સંકલન સમિતિના અધિકારીઓ ઉપસ્થિત રહ્યા હતા.