પાટણ તાલુકા પંચાયતની તમામ ગ્રામ પંચાયતો કે જેઓ અત્યાર સુધી રોકડ દ્વારા વેરો વસૂલતી હતી તે હવે ડિજિટલ ઈન્ડિયાના ભાગરૂપે QR કોડ દ્વારા ઓનલાઈન ટેક્સ વસૂલશે. જેના કારણે અમદાવાદ, વડોદરા, સુરત, રાજકોટ વગેરે શહેરોમાં કોમર્શિયલ રોજગાર કરતા ગ્રામીણ લોકો અને જેમનું રહેઠાણ બહાર છે તેમના માટે સીધો ઓનલાઈન ટેક્સ ભરવાનું સરળ બનશે. QR કોડ ગ્રામ પંચાયત દ્વારા મોકલવામાં આવશે. બહારગામ રહેતા ગ્રામજનો ઘરે બેઠા ટેક્સ ભરી શકશે અને ટેક્સની રસીદ તેમને વોટ્સએપ અને ઈમેલ દ્વારા મોકલવામાં આવશે એટલે કે ટેક્સ ભરવા માટે લોકોએ ગ્રામ પંચાયતમાં આવવાની જરૂર રહેશે નહીં. અને પંચાયતોને પણ અનુકૂળતા રહેશે કે વેરાની નાણાકીય વસૂલાત સમયસર થશે અને ગ્રામ પંચાયતો પણ સધ્ધર બનશે અને વડાપ્રધાન નરેન્દ્રભાઈ મોદીના ડીજીટલ ઈન્ડિયાના આહ્વાનને પુરેપુરુ મહત્વ મળશે. પાટણ તાલુકા પંચાયતમાં 15 થી 17 ગ્રામ પંચાયતોમાં QR કોડ હતો પરંતુ હવે તે તમામ ગ્રામ પંચાયતોમાં ફરજિયાત છે. ડીજીટલ ઓનલાઈન પેમેન્ટ કરવા સૂચનાઓ આપવામાં આવી હતી, જેથી તમામ ગ્રામ પંચાયત તલાટીઓ માટે ઓનલાઈન પેમેન્ટ કયુઆર કોડ મેળવવા માટે પાટણ તાલુકા પંચાયત કચેરી ખાતે કેમ્પનું આયોજન કરવામાં આવ્યું હતું. કેમ્પના ભાગરૂપે, બેંક અધિકારીઓ અને એજન્સીના અધિકારીઓએ અમદાવાદથી આવી તમામ ઓનલાઈન પેમેન્ટ માટે QR કોડ. માર્ગદર્શક તરીકે QR કોડની સુવિધા આપવામાં આવી હતી. પાટણ તાલુકા પંચાયતની તમામ ગ્રામ પંચાયતો ઓનલાઈન પેમેન્ટ માટે ક્યા કોડથી સજ્જ છે. વડાપ્રધાનના ડીજીટલ ઈન્ડિયા કાર્યક્રમનો અમલ કરવામાં આવ્યો હતો.