પાટણ નગરપાલિકા વોટર વર્કસ શાખા દ્વારા સોમવારે 15મા નાણાપંચની ગ્રાન્ટથી વિવિધ 12 વિસ્તારોમાં આશરે 65 લાખના કામોની ટેન્ડર પ્રક્રિયા હાથ ધરવામાં આવી હતી. શહેર ભાજપ પ્રમુખ કિશોરભાઈ મહેશ્વરી અને રામનગર ટાંકીથી પદમનાથ ચોકડી સુધીની પીવાના પાણીની અધૂરી પાઈપલાઈનનું ખાતમુહૂર્ત કાર્યક્રમ નગરપાલિકા પ્રમુખ સ્મિતાબેન પટેલ અને અન્ય આગેવાનોની ઉપસ્થિતિમાં યોજાયો હતો.
નગરપાલિકાની વોટર વર્કસ શાખાના વિકાસના કામો પૂર્ણ થતાં અધૂરી પાણીની પાઈપલાઈનનું કામ શરૂ થતા ઉપસ્થિત વિસ્તારના રહીશોમાં આનંદ છવાયો હતો. આ શુભ પ્રસંગે પક્ષના આગેવાન દેવચંદભાઈ પટેલ, વોટર વર્કસ શાખાના પ્રમુખ દિક્ષીત જે.પટેલ તથા વોર્ડ કાઉન્સીલરો, સ્થાનિક આગેવાનો મોટી સંખ્યામાં ઉપસ્થિત રહ્યા હતા.