પાટણ હેમચંદ્રાચાર્ય ઉત્તર ગુજરાત યુનિવર્સિટી ખાતે 26 થી 29 ડિસેમ્બર દરમિયાન બહેનો માટે યુનિવર્સિટી સંલગ્ન કોલેજ એથ્લેટની ઓલ ઈન્ડિયા એથ્લેટીક્સ સ્પર્ધા અને ભાઈઓ માટે પશ્ચિમ ઝોનની સ્પર્ધા યોજાનાર છે. આ માટે યુનિ સ્પોર્ટ્સ કોમ્પ્લેક્સ ખાતે બે દિવસીય ટ્રાયલ સ્પર્ધાનું આયોજન કરવામાં આવ્યું હતું. માપદંડના આધારે 19 ખેલાડીઓની પસંદગી કરવામાં આવી હતી.
હેમચંદ્રાચાર્ય ઉત્તર ગુજરાત યુનિવર્સિટી સંલગ્ન કોલેજોના ખેલાડીઓ ઓલ ઈન્ડિયા એથ્લેટીક્સ અને વેસ્ટ ઝોન સ્પર્ધામાં ભાગ લેવા જઈ રહ્યા છે જે માટે 195 સંલગ્ન કોલેજોએ હેમચંદ્રાચાર્ય ઉત્તર ગુજરાત યુનિવર્સિટી સંલગ્ન કોલેજોના ભાઈઓ અને બહેનોની એન્ટ્રીઓ મોકલી આપી છે. આ કેમ્પ 18 અને 19 ડિસેમ્બર એમ બે દિવસ માટે યોજાયો હતો. જેમાં ઓલ ઈન્ડિયા એથ્લેટીક્સ અને વેસ્ટ ઝોન સ્પર્ધા માટે 19 ભાઈ-બહેનોની પસંદગી કરવામાં આવી છે. યુનિવર્સિટીના શારીરિક શિક્ષણ નિયામક ડો. ચિરાગ પટેલે જણાવ્યું હતું કે તેઓ 26 થી 29 ડિસેમ્બર સુધી રમવા માટે ઓડિશાના ભુનેશ્વર જશે.