પાટણ શહેરને સ્વચ્છ અને સુંદર બનાવવા તેમજ શહેરીજનોના આરોગ્યની સુરક્ષા માટે સોમવારે પાટણ નગરપાલિકાની સ્વચ્છતા શાખા દ્વારા એસ.આઈ.પાલની આગેવાની હેઠળ પોલીસ ટીમને સાથે રાખી પેટ્રોલીંગ હાથ ધરાયું હતું. શહેરના રેલ્વે સ્ટેશન વિસ્તારના બગવાડા દરવાજાની શેરીઓમાં તાકીદે તપાસ કરી હતી. વિસ્તારને સ્વચ્છ રાખવા માટે ગલ્લા વિક્રેતાઓને તેમના ધંધાકીય સ્થળોએ ફરજીયાતપણે ડસ્ટબીન રાખવાની કડક સૂચના આપવામાં આવી હતી.
નગરપાલિકા દ્વારા ચલાવવામાં આવેલી આ ઝુંબેશ દરમિયાન દુકાનો અને લારીઓ આગળ કચરો જમા કરનારા વેપારીઓને નોટિસો આપી સ્થળ પર જ દંડાત્મક કાર્યવાહી કરવામાં આવી હતી અને અંદાજે 16500 રૂપિયાનો દંડ વસૂલવામાં આવ્યો હતો તેમ પાલિકાના એસ.આઈ. કે. પૌલે કહ્યું.