(GNS),તા.02
ગાંધીનગર,
રાજ્યના અંતરિયાળ વિસ્તારોમાંથી મંડીના શહેરી વિસ્તારોને નિયમિત ધોરણે પૂરતું પાણી પૂરું પાડવા માટે શરૂ કરાયેલી વોટર ગ્રીડના સારા પરિણામો મળ્યા છે. આજે વોટર ગ્રીડના કારણે મહિલાઓને દૂર દૂરથી પાણી લાવવાની મુશ્કેલીમાંથી મુક્તિ મળી છે. સારી ગુણવત્તાની સપાટીનું પાણી મળતાં લોકોના સ્વાસ્થ્યમાં નોંધપાત્ર સુધારો થયો છે. નળના પાણી યોજના હેઠળ દરેક ઘરમાં પીવાનું પાણી પૂરું પાડવાની સિદ્ધિ હાંસલ કરીને ગુજરાતે આ દિશામાં નવા સીમાચિહ્નો સર કર્યા છે. સૌરાષ્ટ્ર વિસ્તારમાં પીવાના પાણી પુરવઠાના નેટવર્કને મજબૂત કરવા અને કેનાલ પરની નિર્ભરતા ઘટાડવા માટે હું 1200 કરોડના ખર્ચે ઢાકીથી માળિયા સુધી બીજી સમાંતર પાઇપલાઇન નાખવાની યોજના શરૂ કરવાની જાહેરાત કરું છું.
• સપાટીના સ્ત્રોત આધારિત જુથ યોજનાઓ હેઠળ આદિજાતિ વિસ્તારોના કુલ 14 જિલ્લાઓના 5062 ગામોને આવરી લેતી અંદાજિત ` 6500 કરોડની કિંમતની સુધારણા અને નવી જુથ યોજનાના કામો પ્રગતિ હેઠળ છે.
• આદિજાતિ વિસ્તાર પેટા યોજના હેઠળ ` 1122 કરોડની જોગવાઈ.
• ડાંગ જિલ્લાના કુલ 276 ગામો અને 3 તાલુકાઓને આવરી લેતી ડાંગ જિલ્લાની જુથ પાણી પુરવઠા યોજના હાથ ધરવાની યોજના ` 866 કરોડના અંદાજિત ખર્ચે.
• વલસાડ જિલ્લાના ધરમપુર તાલુકાના 23 ગામોને આવરી લેતી દમણગંગા બલ્ક પાઇપ લાઇન પર આધારિત ધરમપુર જૂથ પાણીપૂર્વથા યોજના પેકેજ-2નું આયોજન ` 107 કરોડના અંદાજિત ખર્ચે.
• સૌરાષ્ટ્ર વિસ્તારની પીવાના પાણીની જરૂરિયાતને પહોંચી વળવા અને માળિયા અને વલ્લભીપુર નર્મદા બ્રાન્ચ કેનાલ, ઢાંકીથી માળિયા, નાવડા-બોટાદ-ગરધા-ચાવંડ, બુધેલ-બોરડા, ચાવંડ-ધારાઈ-ભેંસાણ અને ચાવંડ-લાઠી બલ્ક પાઇપલાઇન પર નિર્ભરતા ઘટાડવા માટે આયોજન કરવામાં આવ્યું છે. આ યોજના હેઠળ
• બોટાદ, રાજકોટ, અમરેલી, જૂનાગઢ અને પોરબંદર જિલ્લાઓ માટે નાવડાથી ચાવંડ સુધી 85 કિ.મી. જથ્થાબંધ પાઇપલાઇનના રૂ. 644 કરોડના અંદાજિત કામો પૂર્ણતાને આરે છે.