ડ્રાઈવરે સમયનું ધ્યાન રાખી ટ્રકમાંથી કૂદી પડયો હતો
(GNS), T.09
વલસાડ,
વલસાડ જિલ્લાના પારડી ખાતે નેશનલ હાઈવે પર ચાલતી ટ્રકમાં અચાનક આગ ફાટી નીકળી હતી. થોડી જ વારમાં આખી ટ્રક આગની લપેટમાં આવી ગઈ હતી. જોકે, ટ્રક ચાલક સતર્ક રહેતાં તેનો જીવ બચી ગયો હતો. વલસાડ જિલ્લાના પારડી ખાતે મુંબઈથી સુરત જઈ રહેલી ટ્રકમાં અચાનક આગ ફાટી નીકળી હતી.થોડા જ સમયમાં આગે વિકરાળ સ્વરૂપ ધારણ કરી લીધું હતું. ડ્રાઈવર સમયસર ટ્રકમાંથી કૂદી ગયો હતો, જેના કારણે તેનો જીવ બચી ગયો હતો. આગની ઘટના અંગે પારડી ફાયર વિભાગને તાત્કાલિક જાણ કરવામાં આવી હતી. ફાયરના જવાનોએ ઘટના સ્થળે પહોંચી આગને કાબુમાં લીધી હતી. જોકે આગના કારણે ટ્રકને મોટું નુકસાન થયું હતું.