સાયબર ક્રાઈમ પોલીસ સ્ટેશન પાલનપુર દ્વારા પાલનપુર તાલુકાની માલણ ટીપી હાઈસ્કૂલ ખાતે સાયબર ક્રાઈમ અંગે જનજાગૃતિ સેમિનારનું આયોજન કરવામાં આવ્યું હતું. જેમાં મોટી સંખ્યામાં ગ્રામજનો, આગેવાનો અને શાળાના વિદ્યાર્થીઓ ઉપસ્થિત રહ્યા હતા. સાયબર ક્રાઈમથી બચવા શું કરવું જોઈએ તેની માહિતી પોલીસ દ્વારા આપવામાં આવી હતી.
બનાસકાંઠા જિલ્લા સહિત દેશભરમાંથી સાયબર ક્રાઈમના અનેક બનાવો સામે આવી રહ્યા છે, જે માટે બનાસકાંઠા સાયબર ક્રાઈમ પોલીસ સ્ટેશન દ્વારા પાલનપુર તાલુકાના માલણ ખાતે આવેલી ટીપી હાઈસ્કૂલ ખાતે જનજાગૃતિ સેમિનાર સાયબર ક્રાઈમ કાર્યક્રમનું આયોજન કરવામાં આવ્યું હતું. જેમાં મોટી સંખ્યામાં ગ્રામજનો ઉપસ્થિત રહ્યા હતા. સાયબર ક્રાઈમ શું છે અને તેના પ્રકારો, સાયબર સિક્યોરિટી, એન્ડ્રોઈડ મોબાઈલનો ઉપયોગ, સાયબર ફ્રોડ દરરોજ થાય છે, સાયબર ફ્રોડના કિસ્સામાં શું કરવું જોઈએ? આવા મુદ્દાઓ વિગતવાર સમજાવવામાં આવ્યા હતા.