પાલનપુર નજીક માલણના હસનપુર ગામમાં કેટલાક અજાણ્યા લોકોએ ખેતરમાં ચંદનનું ઝાડ કાપી નાખ્યું હતું. જેમાં ઝાડ પડવાનો અવાજ આવ્યો હતો. જેથી ખેતર માલિક જાગી જતાં અજાણ્યા શખ્સો ત્યાંથી નાસી ગયા હતા. આ અંગે પોલીસ મથકમાં ફરિયાદ નોંધવાનો પ્રયાસ કરવામાં આવ્યો હતો. પાલનપુર નજીકના માલણના હસનપુર ગામમાં દેવજીભાઇ ચેલાભાઇ વેડચીયા (ઠાકોર)ના ખેતરમાં ચંદનના ઝાડ વાવેલા છે. જેમાં મોડી રાત્રે એક વાગ્યાના સુમારે અચાનક ઝાડ પડવાનો અવાજ આવ્યો હતો. જેથી દેવજીભાઈના માતાએ જાગી જઈ દેવજીભાઈને જાણ કરી હતી. જેથી તે ખેતરમાં ગયો ત્યારે 18 વર્ષ જૂનું ચંદનનું ઝાડ કપાયેલી હાલતમાં ખેતરમાં પડ્યું હતું. જ્યારે અન્ય બે વૃક્ષોને પણ કાપવાનો પ્રયાસ કર્યો હતો. જેથી તે ખેતરમાં ગયો ત્યારે તેણે ચાર-પાંચ લોકોને ઈકો કાર લઈને ભાગતા જોયા હતા. પરંતુ અંધારામાં વાહન નંબર વાંચી શકાયો ન હતો. આ અંગે દેવજીભાઈએ પોલીસ મથકમાં અંદાજે ત્રણ લાખ રૂપિયાના નુકસાનની ફરિયાદ નોંધાવવાનો પ્રયાસ કર્યો હતો. દેવજીભાઈના જણાવ્યા મુજબ આ પહેલા પણ નજીકના ગામમાંથી ચંદનના વૃક્ષની ચોરી થઈ હતી. પરંતુ આ અંગે કોઈ પોલીસ ફરિયાદ નોંધાઈ ન હોવાનું જાણવા મળ્યું હતું.