પાલનપુર તાલુકા પોલીસે દારૂ ભરેલી કાર કબજે કરી છે. પોલીસને મળેલી બાતમીના આધારે રાજસ્થાન તરફથી આવતા શંકાસ્પદ વાહનને રોકતા તેમાંથી દારૂ મળી આવતાં પોલીસે વાહન કબજે કરી ચાલકની ધરપકડ કરી કાયદેસરની કાર્યવાહી હાથ ધરી છે. પાલનપુર તાલુકા પોલીસ સ્ટાફ આ વિસ્તારમાં પેટ્રોલીંગ કરી રહ્યા હતા, તે દરમિયાન પોલીસ કોન્સ્ટેબલ રાજેશદાન અંગત બાતમી આધારે કાર્યવાહી કરતા રાજસ્થાન તરફથી આવતા વાહનને અટકાવી તલાશી લેતા વાહનમાંથી દારૂ મળી આવ્યો હતો. જેથી પોલીસ વાહન જપ્ત કરી કુલ રૂ.2 લાખ 22 હજાર 940નો મુદ્દામાલ જપ્ત કરી ભગવાનરામ પદ્મારામ ચૌધરી, પાદરી, ગુડામલાણી, રાજસ્થાન સામે પાલનપુર તાલુકા પોલીસ મથકે કાયદેસરની કાર્યવાહી હાથ ધરવામાં આવી છે.